روحي عسى الله لي بحفظه يردك

دام السفر عاده لك بموسم الصيف

كن السفر سكين تذبح بحدك

والصيف مضياف وهمي حضر ضيف

والدمعة اللي سوفلت فوق خدك

في ذمتي تطعن مثل طعنة السيف

منهد كلي من فراق يهدك

ولا هوب ودي مير ماجت على الكيف

وكان البطا ملزوم عني يصدك

ابغدرك واستكفي بجيتك طيف

واسافر لذكراك لجل استمدك

وهناك اردد قول ياصيف ياصيف

روحي وانا ببقى أودك واودك

وهذي تراها كلمة مابها زيف

وابنتظر لين الولي لي يردك

وان عشت مسجون وسجاني الصيف