توك تعرف انك على الطول مخدوع
توك تعرف ان الهوى ما يباعي
ياما نصحتك قلت مالك عليّ طوع
واليوم عايش في ضلال وضياعي
ياما قريت سطور مختلفت النوع
وضحت لك ان الرسايل خداعي
تحفظ كلام بالقراطيس مطبوع
ويقول احساسي كتبته بوداعي
انا مجرب حب صادق ومشروع
واعرف هوى اللي ناويٍ بالقطاعي
تلقاه محرج من سوالك ومصروع
ان قلت له وش تالية هالمساعي
للحب حبل من الوفاء دوم مصنوع
هذا طرف ضحى وهذا مراعي
الحب من واحد مثل خيط مقطوع
والا عقد مفكوك بحاله صراعي
ان رد عقلك صحت مبلي ومفجوع
وتقول خاين ياردي الطباعي
الحب نعمة لا يعذب ولا يروع
مادمت عارف ولأصوله تراعي
