قالت ابرسم منك لوحة واغني

مهرة خيال ومنوتي كف خيال

وعيوني القمرا,, وليلي تمني

وكل الدروب بروعة الحس تختال

قلت ابشري والزين فيك امتحني

ينثر ظما عمري على ضامي الجال

ماخابت الهقوه,, ولك طاب ظني

ياضحكة الدنيا,, وبسمات الآمال

كن الليالي بالمواجع توني

ولاطاب لي درب ولاطاب منزال

يابنت عدل الحظ وش جاه مني

ما جاد لي مره,, ولو جاد ميال

بشيل حمل الوقت عنك وعني

حرام من مثلك تضيق به الاحوال

قالت ابرسم,, قلت بكتب واغني

مهرة خيال وجابها الله لخيال