جزاك الله,, يا قسوة سنيني

لياليها ابعدت خل سموحي

يقول ان رحت لا تبطي تجيني

ودمعه من على الوجنه سفوحي

ويشهد ما مضى بينه وبيني

غصب حكم القدر قرر نزوحي

تفارقنا,, وانا وش في يديني

وعثرات الشقا شلت طموحي

ذكرت احلامنا واول سنيني

وسالت فالحشا عبره تجوحي

بساتين الهوى قدام عيني

تموت,, وطارت الورقا تنوحي

جنيت من الهوى نار الحنيني

وحسرة في سماء الذكرى تلوحي

ليا ساق المزن طيفه يجيني

ولا منه همل جدد جروحي