سوّد الله وجه ايام عمري جميع

كيف مافيه يوم لي تجمل وطاب

من بداية حياتي يوم توي رضيع

لين زل الصبا وايام عمر الشباب

كل يوم بعد يوم اقول استطيع

املك المستحيل الصعب ما احسب حساب

كل يوم ضحك بي ضاحكٍ له واطيع

ماشيٍ له على كيفه بدون احتساب

لين كشر زماني لي بوجه شنيع

وطاح عنه القناع وذقت مر العذاب

صرت اكذب واصدق شي فوق الفظيع

ماتوقعت يخدعني زمان العجاب

ليه خلى بعيني كل واطي رفيع

وكل ابيض اشوفه لون ريش الغراب

ليه ماقال احذر من صديقك تضيع

ليه مافيه يومٍ لي تجمل وطاب