يايبه,, والبنت ابوها عزها وانت بحياتك
كيف ماتفزع وإنا قدامك انهارت حياتي
يايبه دامك تقول اني انا اغلى بناتك
اعطني عطفك مثل ما اطعيته لباقي خواتي
موقفي صعب وصعوبة موقفي عندي سكاتك
لابكيت الحلم ياس ولا تحققت امنياتي
يايبه تدري بكل اللي حصل لي من سواتك
شوفني في بحرك الظالم ادور عن نجاتي
كل ماجيت اشتكي لك قلت لي هذي حياتك
في البداية ليه تتدخل وترسم لي حياتي
يايبه وين الابوة وين عطفك وين ذاتك
نامت اجفان البنات وجفن عيني مايباتي
اذكر اني بنت ماخالفت لحظة في وصاتك
اذكر اني كل ماتامر انفذ في سكاتي
العفو ياوالدي ادري كثيرة تضحياتك
وادري اني لو اضحي تحت رجلك تضحياتي
لكن الحرمان سلمني لذلي في حياتك
وانت تدري كلمة منك تلملم لي شتاتي
