يا زهرة عطرة دايم على بالي
ياليتني قبالها والا بجانبها
لي مدة بالتمني مشقي حالي
مدة طويلة مقاسيها وحاسبها
قلبي عصاني بالاول وانكوى تالي
مجبور في غادة قفت ركايبها
فيك الرجا والامل يا سمح الاقبالي
وعزاه يا مهجة عزت مطالبها
انا هويتك وحبك غير احوالي
تسبب لحالي بحل يناسبها
وش جاك وش غيرك يالاول التالي
النوم له مدة عيني محاربها
لا زاد فيني الولع والشوق يالغالي
اراجع ايام ماضينا واداعبها
يا عل ما للتعاسه والشقى تالي
ولو راح عمري شقاوي كيف اطالبها
لابد من وقفة بالمر والحالي
واترك انا عني دروبك واجنبها
دام الهوى والغلا حرمان واهوالي
وحظي ما غير اتقلب في مصايبها
كم لي وانا صابر والنقص في حالي
ويلاه يا حالتي سبة حبايبها
