جيتك وانا مدري عن الشوق وش فيه

لا الوقت مسعفني ولا العمر كافي

امد لك قلبي غلا,, لا تعنيه

بردان من كثر الشقا والتجافي

اركض ورا بعضي وبعضي اخليه

يسبق بقاياي الحزن مثل قافي

وجهي غدا مثل المسافات اطويه

بين الغرور وبين وقت ارتجافي

يا حزني اللي من عيوني اخبيه

امسى سحاب الليل كله لحافي

الزهرة اللي تنتعش منه تشكيه

يرحل ولا يرحل ها الاحساس دافي

جيتك وعلمني عن الشوق وش فيه

وعن الليالي كلها وانت جافي