يا سيدي فيك الجزيرة تباها
الارض مع سكانها,, والجريده
يا ماجدٍ كل الفضايل خذاها
ورث الجدود بطيب فعله يزيده
فعايلٍ ثنا الخلايق صداها
اهل الوطن واللي من اقصى بديده
حدود الوطن طيبك تعدى وراها
تغيث حتى اللي وصل لك بريده
يمناك مثل الغيث دايم عطاها
والغيث لا روى القاع يحيي هميده
كم من يتيمه صار عطفك عزاها
عاشت تحت ظلك حياة سعيده
جودك كما الدوحة يذري ذراها
كم قاصدٍ حققت له ما يريده
وارياك ينجال الدجى عن ضياها
ونظرتك فوق اهل العزوم الزهيده
يشهد لقولي كلمةٍ من قراها
درى انها عن المزايد بعيده
جميع اجاباتك بعيد مداها
ضمت بشاير خير واريا سديده
اعلن على صدر الجزيرة نباها
واصبح بها الشايب يبشر حفيده
الناس جعل الله يقبل دعاها
تقول جعل سنين عمرك مديده
حيث انت سلطان القلوب وغلاها
كم خافقٍ يجري غلاك بوريده
واقبل صفاود النفوس وولاها
نبض القلوب مجسد في قصيده
