وفي وأوفا من الوافي مع الوافي مني الصدقان

وصديق المصلحه عن خوته ينذرني احساسي

بعض ناس صداقتهم رساله ما لها عنوان

نتيجتها ولو طال الزمن ترجع بالافلاسي

غريب أمر الصديق اللي يجاملني وأنا غلطان

يجامل في السعه بس يتخلى ساعة الباسي

لما جيته وأنا محتاج لي كنه علي زعلان

ولمنه أحتاجني يرجع وما سواه متناسي

جرى لي تجربه والتجربه تكفي عن البرهان

وأنا اتكلم عن اللي صار مالي شغل في الناسي

أنا ما أقول نفسي فيلسوف عاصر الازمان

صغير السن ولكن من زماني شايب راسي