نحب ترابك كلنا عاشقينك
انتي بلاد المصطفى وارض مسراه
وانتي بلاد النور لمنورينك
انتي امنا في عطفك اللي عرفناه
انتي الحنون وساري بي حنينك
حبك سرى بالقلب دمه ومجراه
والشعب كله حاضناته ايدينك
انتي الهنوف اللي كفوفه محناه
بانت علامات الشرف في جبينك
الله يرحم من بنى الساس وارساه
وارسى الشريعة واهجدوا ظالمينك
عبدالعزيز اللي كسبها بدنياه
بالعدل والحكمة مسح دمع عينك
عقب التناحر ثبت الحكم قواه
لم الشمل واظهر جمالك وزينك
يوم الوطن في كل عام انتحراه
ونحييه في حفل الوفا معانقينك
بديرتي حدك نصونه ونحماه
ولا عاش من هو حاول انه يهينك
كل المشاعر والعواطف وهبناه
لك وبذلنا الجهد بعسرك ولينك
وعاش الفهد اللي بنى صرح واعلاه
وابعد عن تراب الوطن حاسدينك
واخوانه اللي دايم الدوم يمناه
الراي واحد والملا عارفينك
والخاتمة يالله يا علي الجاه
ياللي الملا من خشيتك عابدينك
انك تثبت مملكتنا وترعاه
