يا بعيد هناك,, وش قال المثل,,؟

قال : روح بعيد تقديرك يزيد

لا تسل وشلون,,؟ وإلا وش حصل,,؟

واجه الواقع بقلبٍ من حديد

علق الأحلام بخيوط الأمل

وترك الأقدار تفعل ما تريد

لا يزال الشوق,, حبك لا يزل

لا يزال الشوق يسري بالوريد

(عمر سيف العشق ما عمره قتل)

قاله مساعد,, وهو علمٍ وكيد

(والليالي ما تغير في الأصل)

(والذهب يبقى وهو دايم جديد)

(ولو تهب الريح ما أهتز الجبل)

(وعمر جرح الصخر ما جا له صديد)

(ولو يسود الظلم ما غاب العدل)

(والقناعة سر بسمات السعيد)

(والهوى راعيه يعجز يحتمل)

(والحزن في حد ذاته ما يفيد)

يا قديم الشوق حاول بالوصل

لا تخليني على الدنيا وحيد

وان طواك الياس واضناك الزعل

حطني في القلب واتركني بعيد

هاجسي ساري وناري تشتعل

وانت موضوعي وانا اكرر وأعيد

كل ما اكتب فيك قافٍ ينقفل

تكفي الأمثال عن بعض القصيد