قريت العذر في وجهك قبل لا ينطق لسانك

عرفت إن الندم حادي دروبك يوم تلفيني

كثير من الزلل يا صاح مغضي طوع من شانك

ولكنك تماديتا وزدت من الخطا فيني

كلامك كالعسل حالي وفعلك قصر ايمانك

تناقض هرجك بفعلك وأنا فهمك معنيني

قصرت الرجل عن دربك عليّ تغير الوانك

أشوفك ساعة أبيض وساعات بلونيني

تقلب في المواقف دوم وتظهر غير كتمانك

وصارت عادتك هذي تقابلني بوجهيني

أنا رجحت عن كل الملا بالقلب ميزانك

غريبة يا رفيق العمر يوم إنك تعاديني

رفعت من الجفا والهجر رمزفوق نيشانك

وليته يكفي اللي طاف كنت اعذرك من عيني

أنا أرجو العذر خَلّه وخل الصدق عنوانك

وأنا يا صاح ما ودي بكذباتك تراضيني

أنا ما ارضى أبد تنهان وتهزم وسط ميدانك

وطاب القلب من فعلك وما اظنك مصافيني

ألا والنفس قد طابت بدل عرفك بنكرانك

ولا عمري أبد أصحب قليل الصدق والديني