كم قلت لك ماللهوى الفين ملَّه

من الوفا تضرب عليه المثايل

عنوانه الاخلاص والصدق دلّه

يعيش لو راعيه تحت النثايل

وكم قلت لك ماتقتل الحب زلّه

اغلط,, ولك بالعين دمع همايل

وان سامحك قلب العنا لاتذلّه

يمكن يغض الطرف دون الدلايل

وكم قلت لك حبل الوصل لاتغلّه

مدّه على اكفوف اليدين الاصايل

اروي ظماه وصاحبك لاتملّه

دام الوفا طبعه قليل الخمايل

ومن علّمك سيف المواجع تسلّه

وتزيد بالنكران لاهل الجمايل

خلك معه والا بعد رح وخلّه

مايستر العريان ثوب السمايل

وكم قلت لك دمع الندم لاتهله

مايرجع اللي فات كثر الوسايل