اللي جرالي ماجرى لأي مخلوق

يوم ان كل انسان راح بسبيله

ماكل شيء راح بالعمر ملحوق

بعض الامور احوالها مستحيلة

مدري متى تصفي على طول وتروق

مدري عن ايام وليالي طويله

ياحبي انت اغلى هوى كان ياشوق

ياكم معك كانت حياتي جميلة

هذا الهوى مابه ضمانات وحقوق

لابار بك مافيه من تشتكي له

ياما وقفت اخايل غيوم وبروق

مدري متى المحتار يلقى دليله

انت القياس موافق الشف والذوق

وانت الحبيب الطلبة المستحيلة

اذكرك في ليل وفجر وباشروق

واتذكرك حب عديم مثيله