مجلس العز عامر,, لا عدمناه

كل نفسٍ تواجه به سعدها

من حداه الشقا يسعد إلى جاه

خيمة العز يرفع له عمدها

مجلس الشيخ راعي الجود والجاه

الصعايب يحل اكبر عقدها

ما يشوف النكد من ظله اذراه

لو صروف الزمان امرّ وادهى

ذاك سلمان ما فيها مناجاه

سيرته من تطرقها حمدها

في سما الطيب شارقةٍ سجاياه

ما تحدّد ولا يحصى عددها

ما أقدر أقول ويش اكبر مزاياه

كل طاله عطت للشيخ يدها

الله يديم اخو نوره ويرعاه

ويسعد الدار بقيادة فهدها

قاله اللي فضل سلمان غطاه

والحقايق يترّب من جحدها

والله إني رهين افضال يمناه

لين يمناي تثنى في لحدها