من هواجيس صالح والعلوم امحسوبه
العلوم الثمينة رمز للطيبينا
كل عاقل من العقال بيض دروبه
خطوته للامام وطرقته من يمينا
والنصيحة لسوق الخير تجلب جلوبه
وطمعة اللي جلبها النفع للمسلمينا
قالها مسلم دايم يحسب ذنوبه
ويطلب الرب رزاق العباد ايهدينا
شبت النار ما بين الحنايا شبوبه
والسبايب كثيرة والقدر يحترينا
ياآكلين الربا وموكلينه عقوبه
الله انه يعافيكم ولا يبتلينا
ايهاالمسلم الغافل عجوبه عجوبه
تاكل النار في بطنك وتنسى اليقينا
كيف تنسى الوعيد اليوم هبت هبوبه
ما يفيد الكفيل ولا يفيد الضمينا
تذهل المرضعة عما ارضعت من صعوبه
يوم من شدته يشيب راس الجنينا
وكل من هو زرع لابد يجني حبوبه
واسأل الله يقبل توبة التايبينا
