عزاه ياعيني من البعد عزاه

وعزاه ياحالٍ تناقص من الهم

وماجور ياقلبٍ تحطم بدنياه

يصارع احزانه من الهم والغم

سبة وليف راح وأقفت مطاياه

واليوم في دعواه قرر وصمم

يسرح بي الهوجاس لاحل طرياه

واشوف رمشه قدم عيني يسلهم

ياكيف ابسلا عنه ياكيف ابنساه

وطيفه يراودني وانا فيه مهتم

اسمه ورسمه داخل القلب ذكراه

ودايم على ذكراه جوي مغيم

واختم كلامي ياعرب مثل مبداه

عزاه ياحالٍ تناقص من الهم