لو سكت أدري ان بوسط قلبك كلام
لو تقوله لخلك من جماله يهيم
ياحبيبي ترى مابه حيا بالغرام
ليه تسجن كلامك في سجن مستديم
بين حدب الضلوع وبين صلب العظام
وبه تنفس مع انفاسك وتصبح كظيم
بس تفضحك عين يحيط فيها ظلام
تظهر اللي بقلبك من زمان قديم
عينك اللي بسبتها نسيت المنام
كم معافى جعلته ياحبيبي سقيم
ودي اسمعك حتى لو توجه ملام
المسامع ترى تظمى الكلام الحكيم
امل عيني بشوفك يارشيق القوام
لحظة لقاك هي سلواي والله عليم
واعط خلٍ صدق لك غايته والمرام
خل شح المشاعر للعذول اللئيم
وعوضه عن عذابه بالسنين القدام
وجمع اشتات قلب من سببكم حطيم
وامسح الدمع من عين بكاها حرام
ما اظنه خلقها للدموع الرحيم
ياحسين الوصوف ويا رفيع المقام
انت وحدك جعلت الحب معنى عظيم
صرت انافس بحبي قيس رمز الهيام
وهمت بك عقب ماني بالمحبه غشيم
واعرف اني احبك يا حبيبي مادام
رأس عاشقك يا خلي يشم النسيم
وقبل لأنهي كلامي يالغضي بالسلام
ودي اوصيك كن وقت الشدائد حليم
ولا ابي منك تحسب للعذول اهتمام
في كلامه ترى يبغى لشخصك يضيم
ولو يقول انه يحبك وبالحب هام
ماهو بكل من يضحك بوجهك نديم
