اول حياة الفتا مشوار وعساسه

مسيرة في عجاج الوقت يقطعها

وآخر حياة الفتى يرجع على ساسه

والنقطه اللي بدا منها يراجعها

اليا تلاقت امتونه وانحنى راسه

علومه اللي مجمعها يضيعها

لاياهبوب الريح هبي بخطار

خطارمايدرى من اي القبايل

تلفي ركايبهم على هجعة النار

لازان نوم منسعات الجدايل

حتى اني اسري لي على كبش تجار

واذبح لهم من ضين الا نذال حايل

والله ماهني قاضي العمر ترغيد

ابن اللئيم اللي حياته رغيده

اهني القلب الخلي بالمراقيد

وضب الخلا لو كان ياكل رديده

بعدك عن اللي ما يعزك معزه

وصدك عن اللي يعتني بك ردا منك

اللي يعزك لازم انك تعزه

وتعلن معه طول الليالي تضامنك

المجلس اللي مايقدرك راعيه

خلك عزيز النفس مالك وماله

لاصار ماحطت لجنبك مراكيه

تلقى من خيار المجالس بداله