ياهاجسي دنيا الهوى دون دنياك

واهل الهوى طاروقهم محتويني

اكبر هديه في عيوني هداياك

اشواق وجروح وقساوه وليني

وش لون اجاذي لذة الحب وياك

وحبل الوصل مقطوع بينك وبيني

احن لك واشتاق لك واتحراك

واقول ليتك يا الغضي تحتريني

كل المشاعر في ضميري تمناك

احييتها واحييت مامات فيني

ما اظن لهفة خافق الحب تخفاك

الا انها تخفاك نبرة ونيني

خايف ليامني تماديت ما القاك

دام الخلايق في عيونك تبيني

ادرى غرامي عن هوى الناس وادراك

لومت في بحر الهوى ياظنيني