في منتصف شوال يوم الربوعي
ضاقت من همومي علي الوسيعه
وهلت على خدي فرايد دموعي
فجيعة ياكبرها من فجيعه
اهتز من لهوله محاني ضلوعي
واهتزت الأمة لهوله جميعه
الموت حق ولا لنا فيه طوعي
الوقت يمشي والليالي سريعه
الموت ياقبل ماتفيد الدروعي
لو نتحصن بالحصون المنيعه
الدايم الله والخلايق رجوعي
ولابد من يوم ترد الوديعه
وخبر وفاة الشيخ يلوع لوعي
طعن فؤادي بالخبر من يذيعه
نجم أفل من بعد ذاك السطوعي
مرحوم ياراع العلوم الشجيعه
اللي بقول الحق دايم بتوعي
العالم المشهور كلٍ يطيعه
درس أصول الدين هي والفروعي
علمه بلغ أقصى البسيطه لميعه
ألّف لنا كتب على كل نوعي
بالفقه والتفسير وأخرى فضيعه
العابد الزاهد كثير الركوعي
شيخ جمع كل الصفات الرفيعه
زهد بها الدنيا عريب الطبوعي
طلق بهاريج الحياة ونصيعه
اللي مع المحتاج دايم فزوعي
مرحوم ياللي كل هذا صنيعه
ياشيخ يبكونك آلاف الجموعي
ويبكيك من يحكم بحكم الشريعه
ويبكيك من يطلب علوم السنوعي
من علمكم تنهل قلوب مجيعه
ويبكيك منبر مسجدك والربوعي
وطلابك اللي كارثتهم شنيعه
ويبكيك طفل ماشكا قبل جوعي
أبوه مات وصرت ابوه وسنيعه
ويبكيك من توه للإسلام يوعي
ويبكيك ميدان العلوم الرفيعه
يالله يامحيي هشيم الزروعي
يامكون اللي تحتويه الطبيعه
تجبر عزا شعب دهته الفجوعي
شعبٍ فقد غيث القلوب وربيعه
عسى لحد قبره تضيئه شموعي
ويفتح على الجنة فجوجٍ وسيعه
مديت من عرض المسلمين بوعي
ارثي عزيز راح واقفت نجوعه
وصلاة ربي عد نجم طلوعي
واعداد قطرات السحاب النفيعه
على نبي في حياته قنوعي
رسول الأمة بالحياة وشفيعه
