مبروك يا للي خيار الخيل تشريها
تدفع ثمنها ولو ان الثمن غالي
نفسك على طلعة العليا مضريها
رباك خالد وتصبح ضرب الأمثالي
أبوك يا صاحب الأمجاد راعيها
وأهل الصخا تنعرف في كل الأحوالي
تشهد لك الناس قاصيها ودانيها
الله يجعل عملك بر الأعمالي
يفداك من هو دنانيره ينميها
قوم الدنانير عسى مالها والي
الخيل من دون فيصل وين أوديها
قبل أمس مليت واليوم انشرح بالي
اجمع عشاي وهي كيف أعشيها
اقسم لها مصرف من مصرف عيالي
والله لولا الناس تنقدني لأخليها
وش ذنبي اركض من السادس ليا التالي
الخيل لك يا طويل العمر باهديها
لك يا عريب الجد والخالي
كل المناطق تبرعت لنواديها
وأعلنتها صادقة من فوق الأشهادي
هاذي حقيقة وأنا ماني بكاميها
وصدق الحقايق تجي من كل رجالي
