ياقلب خل اللي بك اليوم والعام

لاتظهره للناس تلحقك منقود

اصبر على ماجاك مع طول الايام

ترى الصبر فيه الفرج دوم معقود

قالوه قدمي في قديمات الاعوام

وانته فهيم وتعرف النقص والزود

وترى زمانك لو صفى ايام مادام

لازم تشوف الغيظ بايامه السود

واحذر تصير لدبرة الرب لوام

واللي يصيبك عنك ماهو بمردود

واحفظ سدودك عن خط كل حوام

واحفر لها في داخلك قبر ملحود

هذا كلامي خطته روس الاقلام

وعساك تعرف كل ماكان مقصود