يا ناس بعض الناس يا كبر حظه
يجيه رزقه دون كد ومراكيض
لو هو ضعيف وكل شي يفضه
دنياه تمشي له على الكيف واتفيض
وبعض العرب لو كان بحر يخضه
لازم يجي له في طريقه عواريض
حظه تعيس وكل بني يقضه
لو المصالح قدم وجهه معاريض
لو زاد في روس الاباهيم عضه
حبال حظه باليات منا قيض
ياالله يا مخرج من الأرض فضه
يا عالم ما صار بالسود والبيض
يا محصي خلقه جلاله وغضه
يا عالم ما زاد بالكون ويغيض
تجعل لنا حظ سعيد نحضه
واجعل لنا في زين الأعمال تعويض
وصلاة ربي عد وبل تكضه
غر المزون المرزمات المناويض
على نبي منهج الشرك فضه
باللين والمعروف من دون تحريض
