مرحوم يا للي كلنا فقدناه
خالد عسى في جنة الخلد داره
ابن الكرام اللي على الخير مبداه
نال المعالي كلها بالجدارة
الطيب اللي نال طيبه بيمناه
دايم وهو فضل المكارم شعاره
موفق ما بين دينه ودنياه
وما تنفقه يمناه يخفي يساره
للخير وأهل الخير تمشي عطاياه
بالخير له مكانة فالصدارة
كل الخصال الطيبة من مزاياه
العطف والإحسان حلم وقاره
يا الله عسى في جنة الخلد مثواه
ولا ترى خالد وفاته خسارة
أتشهد أنا في فراقه خسرناه
وأقولها وأنا صريح العبارة
ودام البقا في والده لا عدمناه
شيخ علي درب الشهامة مساره
شيخ مواكيب النشاما تنصاه
كريم سبلا عز ضيفه وجاره
يا ربي انك تحفظه واحفظ أبناه
هم والله اللي معرفتهم تجارة
وأحسن عزاهم في فقيد فقدناه
خالد عسى في جنة الخلد داره
