أضحكتني يامحتري بين ثنتين

لاجايب القصيا ولاجبت هذي

اضحكتني بالحلم تزرع بساتين

ونهاية الأحلام بالشوك تاذي

تزرع وتحصد والنهاية بلا شين

وترجي من الأحلام تمطر رذاذي

على امل تلحق عجاج المقفين

ولاخذت من صافي قرارك نفاذي

يامحتري حد النظر حاجب العين

عاند زمانك واكتسبت المآذي

راحن ورحت ولابقالك عناوين

ولاذقت من راحة زمانك لذاذي

وان طعتني يامحتري بين ثنتين

سافر وتلقى غير فكرك ملاذي