يا العبد لو تملك ملايين في البنك
ماتنفعك مادمت لله عاصي
تدري وش اللي يجلب الضيق والضنك
ان كان ماتدري تراها المعاصي
وان كان داري خلها يافتى عنك
من قبل يوم به تشيب النواصي
وترى بلاك وعلتك كلها منك
مير اسأل المعبود منها الخلاصي
وارجع قبل في باطن الأرض ندفنك
ماينفعك لامت داني وقاصي
لاضامن حياً ولاحي ضامنك
مال البشر عن مايقدر مناصي
واحذر تصير النار دارك ومسكنك
اللي حرارتها تذيب الرصاصي
وممشاك مع رجل عزيز يثمنك
ينفعك لاجا في السنين اختباصي
في واجبك يمشي ولاهوب هاينك
يكمل مطاليبك اليا جيت ناصي
يعجبك لاحطيت مثله على ايمنك
قرم يحل المعضلات العواصي
واحذر تماشي واحد مايواطنك
اليا بدالك لازم عنك حاصي