أنا ابا أنشدك عن عذرا تسلّي

قليل العرف يلقى به مراده

عشيقه لايصوم ولايصلي

والى شافه هنا عينه رقاده

أنا أدري عن نوايا صاحباً لي

وإبن نواد له بالدفن عاده

بنا بيت على الجاهل يدلي

وعلى لهاية الجاهل وكاده

علينا يا سحابة بالله هلي

وانثري معناك في لطف وركاده

وش نقول بهالبنيّه وش نخلي

دامها لهاية الورع بمهاده

هلا بك من هواجيس المهلي

عساه يدوم لك وقت السعاده

وغيدك يوم باله مسفهلي

ترى لهايته تحت الوساده

ألا يامرحبا باللغز واللي

كتب لغز الجزيرة في ركاده

قريت اللغز أنا وأرسلت حلي

وهو رضّاعة الطفل ابمهاده

وش اباخذ من الخافي واخلي

مادام النوم للموذي عباده

يجيني نصف الاحلام ابمحلي

مثل لهاية الطفل ابمهاده

الا يالله لك اسجد واصلي

تعين العبد في غاية مراده

عرفت اللغز ساعة ماوصلي

لهاية طفل ملفوف بمهاده

هلا بصفحة تراث اللي تطلي

وهي صارت محل للرياده

رمعت الحل وأدنيت السجلي

وترى اللهاية بجنب الوساده

ياراجي لغزك اللي يوم طلي

قريناه بعناية وبركاده

وعرفنا الحل والحاسد يولي

وهو لهايةٍ للطفل عاده

قريت اللغز يوم اللغز طلي

كما الزملوق في قلب العراده

صحيح الطفل يلعب مايصلي

وله لعبوبة مثل الجراده

صغيراً منه نومي ماحصل لي

به الازعاج طول الوقت عاده

أبهدي له لعب يمكن يحلي

ومع الاهداء لهاية زياده

هلا بالشمري واعطيك حلي

خذه من دون نقص ولازياده

قليل العرف دايم مايملي

من اللهايه وعندي شهاده

بغيت ارقد ولكن ماحصل لي

سبب لغز به اتقان واجاده

ولقيت البنت مصاصه تسلي

مع الاطفال دايم في مهاده

ترى مافيه لغز مايحلي

وانا شاركت واعطيت الافادة

والا ياللي كتبت اللغز قلي

عسى طفل العرب يبلغ مراده

ليا جابو له اللعبه يهلي

وليابلغ رشده مطالب بالعباده

عبر صفحة تراث ماتملي

بها الغاز واشطار وافاده

قريت اللغز وابشر جاك حلي

مصاصة يلقى به طفلي مراده

هلا يامرحبا بالشاعر اللي

على لغزه نقدم له شهاده

عسى المولود يرضع مايملي

ويبقى من مواليد السعاده

مافيه لغز الا يجي له حلي

وانا لقيت الحل في ميراده

المرضعة تنقذ حسين الدلي

عشيقها الطفل وصارت عاده