لا تنادي,, والوفا عندك سراب

لا تنادي مستحيل اسمعك

وش أسوي غاشي حبك ضباب

وما هقيت احساس قلبي يتبعك

صار قلبك,, ما يحس ولا يهاب

انزحم بقلوب احتارت معك

تكتشف زيفك,, وتسأل عن جواب

والحقيقة,, الحقيقة تصفعك

الرجا والياس,, ودى بك وجاب

خل طبعك,, والتسلّي ينفعك

أشهد أنك عايشٍ عيشة عذاب

وصيدك اللي في شباكك يلسعك

جرّب الغيرة مع جروح صعاب

يلعب بقلبك خيال ولعك

تهت يا المسكين عن درب الصواب

ولو ضميرك حي يمكن يمنعك