أنا لك يا حياتي يا بعد عمري وفي مطواع
بعد وأنت الوفا يا سيدي طبعك وقانونك
احبك حيل والتعبير من كثر المحبة ضاع
تراه اكبر من الحب الجنون وصرت مجنونك
انا لجلك حنون وقلبي الطيب غدا لك قاع
تمشى بقلب من حبك وبالخطوة على هونك
ترى عشبه خضر وان مات به عشبه تجيه أوجاع
وإذا قلبي توجع ينتثر دمه من طعونك
هذاك الوقت,, يا ويل المشاعر من خفوق باع
هذاك الوقت,, يا ويل الهواجس يوم يلفونك
احذر والحذر واجب خطاة البير ماله قاع
اخاف انك تطيع وتأخذ أصدق من يحبونك
ولكن,, لا تطمن دام فيك اصل الوفاء نزاع
تطمن يا بعد حيي وكفن باقي اظنونك
أنا عندك وكل أوراقي البيضا تجيك بساع
تصفحها دقيقة في دقيقة وارمها دونك
أنا لك يا حياتي يا بعد عمري وفي مطواع
حياتي كلها رهن ابتساماتك ولعيونك
