هلا بك,, همي الوافي,, يخون الكل وأنت اوفيت

رفيق ما يخون العهد في دربي مخاويني

بلا موعد,, يجي يمِّي كأن بداخلي له بيت

ملكني,, ما ملكته سيدي وأمره على عيني

وفا طبعه يذكرني,, وفاي لصاحب حبيت

ملكني,, والوفا عمله تبور اليوم بيديني

نسيتك,, يا فرح مبطي,, سراب عنه أنا صديت

عرفت أن الكرم للهم من طيبه يواسيني

كثر شوقي لا عز الناس من درب العنا ملّيت

بقلبي صرت اشيل الهم دام أنه موافيني

وش احكي لك,, وش أخلي,, يزل الدرب ما زليت

مجرد حمل لهموم الزمن غاوي وهاويني