عسى الله يساعد من تنحَّاء مسيره شرق
تطامى المسافة حايله دون خلانه
جزوعٍ من الفرقاء يجاوب حمام الورق
لذعذع هوى الغربي بمسكه وريحانه
على دار خلي كل ما شفت لاح البرق
تذكرت هذيك المداهيل واوطانه
وعسى الله يسامح من حرقني بحبه حرق
اعاني من الفرقاء والابعاد من شأنه
عليه المدامع تغرق الجيب مني غرق
جريح الغرام بسئة الترف واحسانه
بحبه حبيبي يسرق الحال مني سرق
عيونه تنام وعيني الليل سهرانه
رزقني بسهم الحب سيد العذاري زرق
تمكن بقلبي داخل القلب ميدانه
احب الطريق اللي جهتهم بعكس الطرق
بقلبي نقشت اسمه ورسمه وعنوانه
بزينه على الزينات ياهل المودة فرق
جميل المحياء ينثر العطر باردانه
وعسى الله يساعد من تنحَّاء مسيرة شرق
تطامى المسافة حايله دون خلانه
