يا حيرة المهجه اللي بالحشا حلت
لاعادة الساعة الي جابت الفرقا
يا زينها صدفة في ساعة زلت
فيها غرام الخفوق يهيض الورقا
احساس عذري مشاعر للحشا بلت
ضماير بالعواطف كلها غرقا
ابو الفرج بالاغاني كلمته دلت
كل لمعنى محبة وردته مرقا
يا قطرة المزنة اللي بالحيا هلت
يا نجمة في جبين القبه الزرقا
يا وردة في سويدا قلبي احتلت
يا زهرة في وريدي عطرها يرقا
يا مهرة في ترفها فوقنا طلت
يا فتنة من نظرها تسرقه سرقا
يا شيمة العاقل اللي بالملا قلت
يا نور عيني فراق مفارقك فرقا
كل الوصوف الجميلة فيك ما ملت
والحب سلم غرام انزل معه وارقا
هذي مشاعر غرام بالحشا حلت
بام الجمال الهنوف الجاهل الطرقا
