جيت اشتكي لك من عنا طرفة الموق
تعبت يدي من مسح دمع عصاني
يا كثر من يشكي من عقوق مطفوق
وين الوصل يمه في ها الزماني؟
واللي يعسر القلب يا يمه عقوق
كدر كياني قطعة من كياني
يا ما رعينا فلذة الكبد في شوق
والقلب في بذل الحنان متفاني
نعيذهم بالله من شر وعوق
وبحفظهم يلهج دايم لساني
ندعي لهم يمه وعيوننا فوق
وكفوفنا مرفوعة بالاماني
عيالنا قلب وشريان وعروق
فينا وروح حطها اللي عطاني
ادعي بصلاتي خالق كل مخلوق
تبارك الرحمن ما قد نساني
يا عل وصل منهم مجفف الموق
حنانهم يشفي مواجع كياني
للوالدة قدر.. وللوالد حقوق
ويا حظ من فاز برضاهم ثواني
