ألا ياعيد سلم لي على اللي ما يحاكيني
انا برسل تحياتي ولو مهوب راضيها
اشوف الناس فرحانة ودمعي واقف بعيني
أهنيهم ونفسي ما لقت منهو يهنيها
أجامل كل ربعي الصديق للي يباريني
وابين فرحتي والله يعلم وش معانيها
لهذا اليوم صابر وارجى المولى يهنيني
وتمضي ساعة الفرحة وتخدعني ثوانيها
عسى الله يلطف بحالي ويرحمني ويحييني
واشوف العيد والأيام تشملني حسانيها
أنا شفي من المحبوب نظرات تسليني
تخاطبني بيوم العيد وتجدد أمانيها
ألا يا عيد عدل كل ما بينه ومابيني
انا دون الصبر يا عيد نفسي كيف اهديها
وقل له عيدك مبارك وخل اللوم يكويني
ملامة صاحبي لا جت من الأعماق أحييها
قسى قلبك وهو طيب ولا فكرت يشقيني
كريم النفس بس ايامنا ما حد يجاريه
