يا ليتني عياد وتعايديني

لكن ماني يا اتلع الجيد عياد

انا حزين فراق موضي الجبيني

اللي توارى عن عيوني ولا عاد

كن الليالي في غيابه سنيني

وشلون والفرقا لها خمسة اعياد

لو زارني له طيف بيح كنيني

تواترت دقات قلبي ولا هاد

عيني تقول انسه توثمت فيني

وقلبي يقول ان له بلاماه ميعاد

واحترت والله بينهم صدقيني

ورجحت كفة خافقي والعنا زاد

لا الياس قنعني وهدى حنيني

ولا صد من فرقا واجازيه بعناد

اللي مضى لو غاب عني يجيني

يلطف بحالة مغرمه غض الانهاد

واليوم مدري بس لا تحرجيني

يا بنت لا مصدّر ولاني بوراد

ما والله اقنع لين شمسه تبيني

فيه الامل منقاد والقلب منقاد

وليا قطعت الشك ربي يعيني

يمكن يجوز اعتاض بك شمس الاعياد