هذا الربيع اللي تمنيت شوفه

الهم غاب وكيف الاجواد لي طاب

عِقب المحل واغبار وارض امعيوفه

اليوم تبحل وين تثبيت الاطناب

مدة كريم ما بخل بالمروفه

الرازق اللي من ترجاه ما خاب

عشب اختلط من جاه مثلي يشوفه

مد النظر محلاه ما دونه احجاب

ولا عاد يطري من يجيه النكوفه

حلو الخضار انساه همه والاصحاب

احلى الروايح بالهبوب امحذوفه

ريح النفل غطى على كلّ الاطياب

وراع الدبش ينسى العنى والكلوفه

اكله وشربه كافله رب الارباب

مرتاح همّه بس تنظيف صوفه

وسعادته في شوفة الضيف واحباب