ياغايب عني.. انا فيك محتار

يامخلف الميثاق.. مليت.. مليت..

طبعك على ماهو.. ولو صار ماصار

ياما على صدق العواطف تجنيت

حتى عتابك لي شبيه بالاعصار

ماتخاف ربك في ظنونك تماديت

لاتجيب لي يامشغل بالي اعذار

غيرك.. فلا والله.. ماقد تمنيت

استرجع الماضي ولي فيه تذكار

واكبر دليل انك بحبي تهنيت

ماللزعل داعي.. وفي كل الامرار

ان ضاع حبك مانفع قول ياليت

لاتعاند الاحساس يانبض الاشعار

تعال.. وارض اللي على حقه اخطيت

تعال.. وشف فرحة محب لك اختار

كني بربيع ياوجودي الى جيت