ودي نجدد عهدنا بالمواثيق

ياروح روحي غايتي يامناتي

عزالله انه ينجلي عني الضيق

لاشفت زولك تبتسم لي حياتي

ومحلا المعاتب لادخل فيه تحقيق

من نور عيني راعي الناعساتي

أسكر على طاريك وسج وفيق

واللي دخل بالحب سوى سواتي

أعوم بالهوجاس غرب وتشريق

وعيد بفكاري معك ذكرياتي

في خلوتي ونسى جميع المخاليق

وتخيلك مابين روحي وذاتي

حبك لجا بالقلب وسط المعاليق

خلا لوعي بالعناء ناحلاتي

عقبك تسكر لي جميع الطواريق

ياموت خذني بعد مكتب وصاتي