ذعذعي يا ريح الأشواق وامشي يا غيوم

ما طرى البارح على البال هاليله طرى

ودي اجمع كل الآمال في كفي واقوم

ودي ارمي كل الاحزان في كف الثرى

لي حبيب زينه ان بان له زينه يلوم

دايم قدام عيني ولا اشوفه ورا

ما يدوم إلا على القلب وان فارق يدوم

في خفوقي له مكان وله ضلوعي ذرى

كن ريحه ورد الانهار لا صافح سموم

كل من هو بالمدينة ورى عطره سرى

وكن زوله سنديان يسولف لي علوم

لا تمايل في عيوني ولا أحد به درى

كل جرح من جروحي إذا سولف ينوم

هو يسولف بس جرحي إذا يسمع برى

من شفاته تخجل الشمس وتموت النجوم

ويتضبضب صبح الأشواق والليل ايعرى

وش جرى ما ادري عن الحال من ليله ويوم

لكن أعرف أني أقول ما أدري وش جرى