يا ساعة الأيام دوري وعدّي

وقتٍ مع الاحباب صرنا نعانيه

ان كاننا بأحزان روحي وشدي

وان كاننا بأفراح بالهون داريه

وقتٍ به الفرقا وكلِ يصدي

حتى اقرب الخلان صرنا نجافيه

والله مدري يا علي وش بيدي

من صاحبٍ جاني على عدة وجيه

يومٍ يواصلنا ويومٍ يصدي

ومن كثّر الصدات قمنا نخليه

عزي لحالي وقتي اليوم ضدي

وعزي لقلبٍ دوم بالحب مشقيه

واخر كلامي الهم لا هو بيودي

ولا هو بيجيب اللي من الناس تبغيه