روسي وشيشاني وطاير وركاب
وخاطف ومخطوف تخلص نشابه
بيدين شجعان الوطن فك الانشاب
ولابه على الرجل السعودي غرابه
ابطال ذخر ابطال ذربين الانساب
فينا فهد قايد وشعبه ذيابه
من واقع الاحداث في وقت الاصعاب
تظهر جدارتنا بحزم وصلابه
نثبت مهارتنا لمبغض ومرتاب
متمثلين بشخص نايف هلا به
درّب وجرّب بالمساعي والاسباب
واكد لشعب المملكة في خطابه
يا دارنا ما انته مقر للارهاب
ولا انته ممر لمفسدين وعصابه
انته مقر الدين من رب الارباب
موطن نبي طيب الله رحابه
منك السلام وفيك قطاع الارقاب
سيف الشريعة حق كل يهابه
اللي نصاك بخير يفتح له الباب
واللي نصاك بشر يلقى عذابه
