|
| تراث الجزيرة
هذه المحاورة بين الشاعرين مطلق الثبيتي رحمه الله ومستور العصيمي على لون الشقر وبمصاحبة الزير حيث كل شطر من المحاورة يسبق بهذه الجملة:
"يا لا لي يا لا لي يا لا لي لهْ لا لهْ"
مطلق:
|
يامرحبا في محل اهل الوجوب
والضيف يلقى غلاه وواجبه
امشي مع الناس بالدنيا واجوب
وان جاني الضيف اذكي واجبه |
مستور:
|
يامرحبا مانغر من الدروب
والرجل يحمي السبال وشاربه
واللي مدرب على الدنيا دروب
من يعرف السم ماهو شاربه |
مطلق:
|
ياللي علومه يقلبها قلوب
والذيب يعود عليه وصاح به
من يوم خاويت عميان القلوب
وافطن لصياف معك وصاحبه |
مستور:
|
احدٍ في الشرق واحد فالغروب
مير الخبر لاتجينا "غار" به
امسيت ضميان والماء فالغروب
وشعيل حز الحمل في غاربه |
مطلق:
|
ياللي تبي لك محل فالجنوب
لاتنطح السيل ثم اتحار.. به
ماودي ادحم سواتك فالجنوب
لاكن اشوف الرفيق اتحاربه |
مستور:
|
حافتك من كل قطر وكل صوب
وتقول ما احد مخلي صايبه
ياراعي الرمي خل الرمي صوب
مير اكثر الظن ما انته صايبه |
اختيار
محمد سعود البيضاني
|
|
|
|
|
