ردي علي اطفي لهب نار الاشواق

ردي علي وحاجز الصمت هديه

ردي علي اللي لغالي الرد مشتاق

ردي وقلبي كان يرضيك خوذيه

ردي وداوي جرح يسكن بالاعماق

جرح الغرام استحلفك لاتزيديه

ردي ولو عبر القلم وسط الأوراق

دام الغلا هديّتي بودّ رديه

ردي على اللي من سبايبك ماراق

بك سارح فكره له شهور مشقيه

حلم وحقيقة شاف زولك ولا فاق

قلبي من أسباب الغلا حرت انا فيه

يا مسعده عين الشقي يكفي احراق

للخافق اللي هام فيك وجرحتيه