خل الرسايل ماتفيد المعاذير

العذر ما ينفع جروحٍ قديمه

يوم الغلا ما نتعب من المشاوير

غالي ولك عندي موده وقيمه

موجز حياتي لك بجملة تفاسير

اكتب وتقراني غريم وغريمه

ارفع هدب ما تلحقه كفخة الطير

خل الهوى يبرق ورا السيل ديمه

رح بالغلا لا ترجع إلا وانا بخير

دام الكرامه عندي اغلى غنيمه

القلب صابر لو سرى وابعد السير

مهما حصل له بالزمن من شتيمه

وهبت هبوب الشوق بأغلى المعاذير

لعل يبرن الجروح القديمه