لقيت فالوحده سكون وسعة بال

بعيد ما عندي من الهم طاري

ولقيت في وحدتك جزلات الأمثال

رزت الثقيل وقلت هذا قراري

أنا ما أشوف في كل الدروب الواضحه مصلوح

ولا أحني هامتي إلا لبوي وزوجته أمي

إذا مابا لدروب الواضحه مصلوح وين تروح

ومن يمشي الدروب المظلمة لايامن الهمي

الخاطر الهمس من يقدر يسليه

الناس والا الشعر والا الأغاني

بإيمانك بربك وصبرك تداويه

والشعر والناس والموال فاني

أنا ما بي هوى للقلب"ولاني مدور" الأحباب

أناكل همي قلب كبير يسمعني ويبكيني

وأنا ما ابغى شعر مثل الشعر هذا ولي ماطاب

لسان إنثي بلفظ رجال ومكسر وموذيني

كل ما نعشق بشرفاح التناقض من علومه

وش بلي حوا تصب الزور فأكواب الحناني

أنت فكر بإختيارك قبل غيرك لا تلومه

ولا تعم الناس فيه اللي معلِّي والهداني

مارحم زهرة شبابي وأنا توي صغير

لين ضيق خاطري ضيق الله نسمه

دامك صغير على الحب هون وإستخير

ما يجيد الرمي من ماتقوى معصمه