يا مرارة وداعك.. يابعد كل غالي

لاذكرتك تغطي كل عين يمينى

أمسح الدمع.. والله عالم بضعف حالي

وبفؤاد عليلٍ هاض منه الونيني

طيب في نهاري.. والعنا بالليالي

كل ليلة اشوفك في منامي تجيني

ودي اشكى شعورٍ كل ماغبت جالي

اشعل الشوق حاجز بين صبري وبيني

ادري اني ببالك وأنت تدري ببالي

الوفا بك وفيني بالضماير مكيني

يابعد روح روحي.. ليت لقياك فالي

وليتك تشوف مقدارالغلا في حنيني

يا حبيبي .. ترى حبك غدا راس مالي

يا ما شفت المحبة منك يا نور عيني

اعترف لك بشوق عنك ما هوب سالي

واعترافي بحبك.. نقطة الضعف فيني