تخيل ما تخيلته فزع حتى خيالي منه

تخيل وش كثر في لحظته ضيعت لحظاتي

ادوروش ادور ما ادري وش اتساءل عنه

الملم بعضي الضايع ويضيع البعض بشتاتي

ذهول وارتباك وكل من حولي بديت العنه

تجاهلت العيون اللي تساءل عن معاناتي

هربت من السؤال اللي جوابه مستحيل اعلنه

ولكني عجزت اقوى دموعي تفضح سكاتي

نخيت الصبر يفزع لي ولكن ما اعتقد يمكنه

ما عاد يفيد صبري للاسف في بعض حالاتي

سكت وصاحبي جرح قديم لي سنين أدفنه

تحدى الصمت في داخل حشاي وفجر آهاتي

حلفت اني فلا صدق ولا حتى القريب آمنه

وما عدت أثق بأحد حتى بديت أشك في ذاتي