للصبر حد وللوفاء فيني حدود

وللجرح وقت وينتهي يا ظنيني

وللذكريات بداخلي يوم موعود

وتحطم اللي باقي من حنيني

يبقى الأصل في دنيتي طفل موؤود

عند أول دروب الحزن يحتريني

ياما سهرت وباقي العالم رقود

وياما .. بكيتك بس في وسط عيني

خوفي تطيح بدمعتي وانت موجود

فيها واخاف تحول بينك وبيني

ياما تحريت الوفاء منك بوعود

وياما دعيتك بالخفاء وأنت فيني

انسان لكن فيك الاحساس مفقود

خليت حلمي يحتظر في يديني

لا جيت بخل ولا تعشمت بالجود

لا .. ناسيه جرحك ولا هو نسيني

ضيعت عمري فيك والعمر معدود

لا واخساره ما مضى من سنيني